ຮາລ໌ດດິດ”ໄຮບລິດ”ໄວກວ່າ ລາຄາບໍ່ແພງ
ແມ່ນ SSD (Solid State Disk) ຈະເຮັດວຽກໄດ້ໄວກວ່າຮາລ໌ດະດິດກ໌ (HDD) ແຕ່ມັນກໍມີລາຄາທີ່ແພງກວ່າດ້ວຍ ເຮັດໃຫ້ຄວາມນິຍົມໃນການໃຊ້ SSD ບໍ່ສູງເທົ່າທີ່ຄວນ ລ່າສຸດຊີເກດ (Seagate) ຈັບດິດໄດລົຟ໌ທັງສອງມາລວມກັນ ໂດຍໃຊ້ຈຸດແຂງຂອງປະສິດທິພາບໃນການເຮັດວຽກທີ່ໄວກວ່າຂອງ SSD ໃນຂະນະທີ່ລະດັບລາຄາບໍ່ສູງເກີນໄປ
Momentus XT Hybrid HDD ເປັນຮາລ໌ດດິດ SATA ຂະໜາດ 2.5 ນິ້ວທີ່ໄວທີສຸດໃນໂລກສຳລັບໃຊ້ງານກັບແລບທອບ ໂດຍທາງຊີເກດອ້າງວ່າ ມັນໄວກວ່າ HDD ທີ່ຄວາມໄວຮອບ 5,400RPM ເຖິງ 100% ຫລືໄວກວ່າ HDD 7,200RPM ປະມານ 80% ຊຶ່ງຄວາມລັບຂອງຄວາມໄວທີ່ໄດ້ຈາກ Momentus XT ຢູ່ທີ່ເທກໂນໂລຍີ Adaptive Memory ໂດຍເປັນການໄຮບລິດຮາລ໌ດດິດຄວາມໄວຮອບ 7,200RPM ເຮັດວຽກຮ່ວມກັບ NAND flash ຂະໜາດ 4GB ດ້ວຍການກັອບປີ້ຂໍ້ມູນຈາກດິດເຂົ້າໄປໃນ SSD 4GB ເພື່ອໃຫ້ເຂົ້າເຖິງຂໍ້ມູນໄວຂຶ້ນ
Asus ເປັນຜູ້ຜະລິດໂນດບຸ໊ກລາຍທຳອິດທີ່ໃຊ້ຮາລ໌ດິດກ໌ໄຮບລິດ Momentus XT ໂດຍເປັນອັບເກດອອບຊັນສຳລັບໂນດບຸ໊ກ ລຸ້ນ ROG G73 ຊຶ່ງນອກຈາກຈະອັບເກດດ້ວຍຮາລ໌ດດິດກ໌ທີ່ໄວຂຶ້ນແລ້ວ ໂນດບຸ໊ກ ລຸ້ນນີ້ຍັງມາ ພ້ອມກັບຊີພີຍູ Intel I7 720Qm Quad-core ຫນ່ວຍຄວາມຈຳ DDR3 8GB ແລະໃຊ້ຫນ່ວຍປະມວນຜົນກາຟິກ ຫລື GPU ເປັນ ATI Radeon Mobility HD 5870 ອີກດ້ວຍ ສຳລັບຮາລ໌ດດິດກ໌ໄຮບລິດ Momentus XT ມີໃຫ້ເລືອກ 3 ຄວາມຈຸນຳກັນຄື 250GB ($113) 320GB ($122) ແລະ 500GB ($156)
Credit:Arip.co.th